Tramp: Putinlə tez bir zamanda görüşmək istəyirəm

Rusiya prezidenti Vladimir Putinlə tez bir zamanda görüşmək istəyirəm.

Ölkə.Az xəbər verir ki, bunu ABŞ-nin yeni seçilmiş prezidenti Donald Tramp deyib.

Onun sözlərinə görə, Putin də bu görüşü keçirmək istəyir.

“Onun görüşmək istədiyini bilirəm və mən də tez bir zamanda görüşməyə hazırlaşıram. Mən bunu daha əvvəl edərdim... Amma əvvəlcə vəzifəmin icrasına başlamalıyam”, - Tramp bildirib.

Yanvarın 12-də ABŞ-nin seçilmiş prezidentinin milli təhlükəsizlik üzrə müşaviri Mayk Uols bildirib ki, artıq Donald Tramp və Vladimir Putin arasında görüşə hazırlıq gedir. O, görüşün vaxtını dəqiqləşdirməyib. Donald Trampın andiçmə mərasimi gələn bazar ertəsi, yanvarın 20-də keçiriləcək.

Mürtəza
Ölkə.Az