Hər şey üçün usta çağırırlar, sadə məsələni bilmirlər

Z nəslinin (1990-cı ilin ortalarından 2010-cu ilə qədər doğulanlar) yetkin nümayəndələri hətta sadə gündəlik ev işlərini də bacarmırlar.

Ölkə.Az xəbər verir ki, bu barədə Böyük Britaniyanın avtomobil servisi şirkəti "Halfords" araşdırma aparıb.

18-27 yaşlı Z nəsli nümayəndələrini əhatə edən araşdırma nəticəsində məlum olub ki, onlar evləri və avtomobilləri ilə bağlı sadə işlər üçün belə usta çağırırlar.

Yəni ildə orta hesabla ustaya 1300 funt sterlinq xərcləyirlər. 

Bu rəqəm 44-59 yaş arası X nəsli (1965-1980) üçün 386 funt sterlinq və 60-78 yaşlı Beybi Bumers (1946-1964) üçün 253 funt sterlinq təşkil edir.

Araşdırmaya əsasən, Z nəslinin dörddə biri evdəki adi lampaları dəyişdirməyi təhlükəli hesab edir. Z nəslinin 20%-i hesab edir ki, lampa çox isti ola və əlini yandıra bilər.

Bu nəslin nümayəndələrinin yarısı isə avtomobilin təkərinə hava vurmaqdan çəkinir. 65% isə avtomobilin şüşə silənlərini necə dəyişdirəcəyini bilmir.

Z nəslindən olanların yalnız 34%-i avtomobildəki akkumulyatorun yerini bilir.

Eyni zamanda onların 30%-i duz başlıqlı burğacı (atvyorka), 21%-i isə açarı ayırd edə bilmir.
"Halfords" eksperti Endi Tuberfild bildirib ki, gənc nəslin nümayəndələrin əsas bacarıqlarında azalma və geriləmə var.

Z nəslinin nümayəndələrinin ən çox çəkindiyi ev işləri:

65% avtomobilin şüşə silənlərini dəyişdirə bilmir;
50% avtomobilinin təkərlərini şişirmir;
25% lampa dəyişdirməyi təhlükəli hesab edir;
25% avtomobili təmizləməyə haradan başlayacağını bilmir;
11% divara mismar vurub çərçivə asmaq üçün kömək çağırır;

Qeyd edək ki, Z nəslindən sonra doğulanlar isə Alfa nəsli adlanır.

Billurə Yunus