Kremldə gərginlik: Mirzoyan təcili Moskvaya çağırıldı

Moskva ilə İrəvan arasında vəziyyət gərginləşdiyindən Ermənistan Xarici İşlər Nazirliyinin rəhbəri Rusiyaya çağırılıb. 

Ölkə.Az xəbər verir ki, bunu Rusiyanın xarici işlər naziri Sergey Lavrov deyib.

Ermənistanın Avropa İttifaqına inteqrasiyasi istiqamətindəki hərəkətlərə toxunan Lavrov deyib ki, İrəvanın istəkləri Aİİ-də eyni vaxtda iştirakla bir araya sığmır.

“Çünki bunlar iki fərqli azad ticarət zonası, rüsumların və tariflərin azaldılması və ya imtinası üçün iki fərqli sistemdir, onlar eyni deyil”, - o qeyd edib. 

Ermənistanın KTMT ilə münasibətlərinə toxunan Lavrov bildirib ki, İrəvan KTMT-nin tədbirlərində iştirak etməsə də, qərarların qəbuluna da mane olmur. O əlavə edib ki, Ermənistanla Rusiya arasında münasibətlər elə də asan deyil.

Yaranmış vəziyyəti müzakirə etmək üçün Ermənistan XİN rəhbərinin Moskvaya dəvət oldunuğunu deyən Lavrov   bildirib ki, Ararat Mirzoyan Rusiya Federasiyasına dəvət olunub və o, dəvəti qəbul edib. "Biz onu gözləyirik. Ümid edirəm ki, səfər tezliklə baş tutacaq”, - Lavrov bildirib.

Mürtəza
Ölkə.Az