İsrailin bunu etməsinə icazə verməməliyik - Ərdoğan

İsrail hökumətinin atəşkəsi pozmasına icazə verməməliyik. Beynəlxalq ictimaiyyət Qəzza xalqına qarşı hüquqi və əxlaqi öhdəliyini yerinə yetirməlidir.

"Ölkə.az" xəbər verir ki, bu sözləri Türkiyə Prezidenti Rəcəb Tayyib Ərdoğan monqolustanlı həmkarı Uxnaaqiyn Xurelsux ilə görüşündən sonra jurnalistlərə açıqlamasında deyib.

“Paytaxtı Şərqi Qüds olan müstəqil, suveren Fələstin Dövlətinin yaradılması üçün sülh danışıqları mümkün qədər tez başlamalı olduğunu düşünürük”, - deyə o bildirib.