Atəşkəsdən sonra Netanyahudan qalmaqallı açıqlama: Hücumlara yenidən başlamaq üçün təminat aldıq

İsrail HƏMAS-la atəşkəs barədə razılığa gəlib bu razılşamanı rəsmi şəkildə təsdiq etsə də, müəyyən mərhələdə bu razılşamanı poazacağını da istisna etməyib.

Ölkə.Az xəbər verir ki, danışıqlardan sonra İsrail nazirlər kabineti yanvarın 17-də  sazişi təsdiqlədiyini açıqlayıb.  

“Yediot Ahronot”  nəşrinin məlumatına görə, sazişin təsdiqlənməsi məsələsi Netanyahunun sədrliyi ilə  hökumətin   3 saatdan artıq gərgin və ciddi  şəkildə  müzakirələri  keçirilib.
Nəşrin yazdığına görə, Netanyahu  koalisiya hökumətinə daxil olan nazirlərin bir qismi sazişin əleyhinə çıxıb. 

Baş nazir Benyamin Netanyahu Təhlükəsizlik Kabinetinin iclasında deyib ki,  bu məsələlər ABŞ-ın yeni seçilmiş prezidenti Donald Tramp və ABŞ prezidenti Co Baydenlə müzakirə edilib və onlardan  təminat alınıb.

“Biz hər iki prezidentdən tam zəmanət almışıq ki, əgər razılaşmanın ikinci mərhələsi ilə bağlı danışıqlar uğursuz olarsa və HƏMAS bizim təhlükəsizlik tələblərimizi qəbul etməzsə, o zaman hökumətin ABŞ-ın dəstəyi ilə yenidən əməliyyatlara başlayacağıq",- Netanyahu qeyd edib.

Mürtəza
Ölkə.Az