Rusiya üçün keçən fəlakətli gecə

Rusiya yanvarın 17-dən 18-nə keçən gecə Ukrayna tərəfindən genişmiqyaslı PUA hücumuna məruz qalıb.

Ölkə.Az xəbər verir ki, bu barədə Rusiya Müdafiə Nazirliyi məlumat yayıb. 

Məlumatda deyilir ki, yanvarın 18-nə keçən gecə Rusiya hava hücumundan müdafiə qüvvələri 46 PUA-nı zərərsizləşdirə bilib.

Bunlardan 18-i Bryansk vilayəti, 11-i Kursk, yeddisi Kaluqa, beşi Tula, üçü Belqorod, ikisi Voronej üzərində vurulub.

Bundan əvvəl Smolensk vilayətinin qubernatoru Vasili Anoxin bildirib ki, bölgə səmasında 5 PUA vurulub. Müdafiə Nazirliyinin hesabatında bu barədə məlumat verilmir.

Tula vilayətinin qubernatoru Dmitri Milyayev bildirib ki, PUA-nın hücumu nəticəsində müəssisələrdən birində yanacaq və sürtkü yağları olan konteyner yanıb, Kaluqa vilayətinin qubernatoru Vladislav Şapşa isə deyib ki, PUA-hücumu nəticəsində sənaye müəssisəsinin ərazisində yanğın baş verib.

Mürtəza
Ölkə.Az