179 nəfərin öldüyü təyyarə qəzasının səbəbi bəlli oldu - Video

Cənubi Koreyada 179 nəfərin ölümü ilə nəticələnən "Jeju Air" təyyarəsinin qəzaya uğraması ilə bağlı araşdırmalar davam edir.

Ölkə.Az xarici KİV-ə istinadla xəbər verir ki, hadisəni araşdıran komissiyanın üzvləri təyyarənin mühərriklərində quş tükləri və qan izlərinin tapıldığını açıqlayıb.

Bildirilib ki, əldə edilən video qeydlərdə quşun mühərrikə dəydiyi an öz əksini tapıb.

Araşdırmalar davam edir.

Qeyd edək ki, sözügedən qəza ötən ilin 29 dekabrında Cənubi Koreyanın Muan şəhərində baş verib. Boeing 737-800 tipli təyyarə eniş zamanı uçuş-enmə zolağından çıxaraq beton maneəyə çırpılıb və bu şiddətli toqquşma qəzanı ölümcül edib. Hadisə nəticəsində 179 nəfər ölüb, 2 nəfər sağ qalıb.

Daha əvvəl isə təyyarənin qara qutularının qəzadan 4 dəqiqə əvvəl məlumat yazmağı dayandırdığı açıqlanmışdı.

Bu faciəvi qəza Cənubi Koreyanın ən ölümcül aviasiya qəzası kimi qeydə alınıb. 

Billurə Yunus