Türkiyə rus qazına alternariv tapdı

Türkiyə ilə Rusiya arasındakı münasibətlərin pozulmasından sonra iki ölkə arasındaki iqtisadi bağlar qopmağa başladı.

Ölkə.az xəbər verir ki, Türkiyəyə qarşı iqtisadi sanksiyalar tətbiq edən Rusiya bu ölkənin kənd təsərrüfatı və turizm sektorunu ciddi ziyana salmağı planlaşdırır.

İlk olaraq Türkiyədən idxal olunan kənd təsərrüfatı məhsullarının bazarına daxil olmasına ciddi məhdudiyyətlər qoyan Rusiya, indi isə turizm sahəsində əməkdaşlığı pozmağa başlayıb. Moskvanın qərarı ilə iki ölkə arasında vizasız gediş-gəliş ləğv olunub. Rusiyadan Türkiyəyə uçuşlar dayandırılıb. İndi isə Türkiyənin cavab tədbirləri görəcəyi gözlənilir.

İki ölkə arasındakı ticarət dövriyyəsindən Rusiyanın uduşlu çıxdığı heç kəsə sir deyil. Bu gün Türkiyə qaz tələbatının 60%-ə yaxınını Rusiyadan tədarük edir. Ümumilikdə Rusiyadan hər il 15 milyard dollara yaxın neft və qaz alan Türkiyənin də rus enerji daşıyıcılarından qismən imtina edəcəyi haqda xəbərlər yayılıb. Bu xəbərlərin yayılmasının ardından Şimali İraq kürd muxtariyyətinin enerji naziri ruz qazının əvəzinə Türkiyəni qazla təmin edəcəklərini elan edib.

Kürd miuxtariyyətinin enerji naziri Aşti Havraminin sözlərinə görə, Şimali İraqdakı qaz yataqlarındakı rezerv 50 il Türkiyənin mavi yanacaq tələbatını ödəyə bilər.

Ölkə.az