Yeni prezident müxalifəti danışıqlara çağırdı
Əfqanıstanın yeni prezidenti Əşrəf Qəni Əhmədzay öz siyasi rəqiblərini kompromisə çağırdı.
Ölkə.az "RİA Novosti"yə istinadən xəbər verir ki, yeni seçilmiş prezident "Taliban" və "Hizb-ut-Təhrir" kimi barışmaz mövqedə dayanan müxalif qruplarını danışıqlara dəvət edib.
"Biz bütün opponentlərimizi, o cümlədən Taliban və Hizb-ut-Təhrir kimi təşkilatıları siyasi dialoqa çağırırıq", deyə Əşrəf Qəni Əhmədzay bəyan edib.
Xatırladırıq ki, bu gün Əşrəf Qəni Əhmədzayın andiçmə mərasimi idi və prezident sarayında mərasim davam edərkən Talibanın kamikadzeləri ölkənin bir neçə əyalətində ağır terror aktları törədiblər. Ölənlərin və yaralananların olduğu bildirilir.
"Taliban" və "Hizb-ut-Təhrir" hələlik bu çağırışa rəsmi reaksiya verməyiblər.
Ölkə.Az
