Əfqanistanın yeni hökumət başçısı məlum oldu
Əfqanistanın prezidenti Əşrəf Hani Əhmədzay yeni hökumət başçısının and içməsini qəbul edib
Ölkə.Az "РИА "Новости""-yə istinadən xəbər verir ki, Əfqanistanın yeni hökumət başçısı bir müddət əvvəl prezident seçilmiş Əşrəf Hani Əhmədzayın seçkilərdəki rəqibi Abdulla Abdulla olub.
Əşrəf Hani 21 sentyabrda Abdulla Abdulla ilə birlikdə imzaladığı hakimiyyətin bölünməsi haqqında sazişə uyğun olaraq prezident vəzifəsinə seçilmişdi.
Çərşənbə axşamı günü keçirilmiş and içmədən dərhal sonra Hani hökumətdə yeni rəhbər vəzifə yaradaraq öz rəqibi Abdulla Abdullanı prezident təyin edib.
Əfqanistanda prezident seçkilərinin birinci turu aprelin 5-i keçirilib, lakin namizədlərdən heç biri səslərin 50 %-dən çoxunu toplaya bilməyib.
İkinci turun nəticələrinə əsasən Hani qalib olub. Lakin seçkilərdən sonra Abdulla Abdulla proseslər zamanı çoxlu sayda qanunsuzluq və saxtakarlıqların olduğunu bildirərək yeni hökumət yaratmaqda iddialı olduğunu bəyan edib.
Rəşid Mustafazadə
Ölkə.Az
