Xarkovda Lenin heykəlləri dağıdılır

Ukraynanın Xarkov şəhərində Lenin heykəllərinə "müharibə elan olunub".

Ölkə.az "Rosbalt" agentliyinə istinadən xəbər verir ki, Ukraynanın ikinci ən böyük şəhərində proletariatın atasına ucaldılmış onlarla heykəl antirus mitinqlərinin iştirakçıları tərəfindən dağıdılır.

Faktla bağlı Xarkov milis idarəsində açılmış cinayət işinə isə daxili işlər naziri Arsen Avakov xitam verərək mitinq iştirakçılarının hərəkətlərində qanunsuz heç nəyin olmadığıni bildirib.

Xatırladırıq ki, Xarkovda artıq bir neçə gündür ki, Ukraynanın birliyini və bütövlüyünü müdafiə edən mitinqlər keçirilir.

Ölkə.az