Türkiyənin baş naziri: \"Ordumuz öz vəzifəsini yerinə yetirdi\"

"Rusiya təyyarəsinin vurulması özünümüdafiə addımı idi, ordumuz vəzifəsini yerinə yetirdi"

"Heç bir dövlət öz üzərinə düşən vəzifəni yerinə yetirdiyi üçün üzr istəməz".

Məlumata görə, bu sözləri Türkiyənin baş naziri Əhməd Davudoğlu Brüsseldə NATO-nun baş katibi Yens Stoltenberqlə keçirdiyi görüşdən sonra deyib.

Əhməd Davudoğlu bildirib ki, Türkiyənin hava məkanı ölkənin suverenliyinin bir hissəsidir: “Rusiya təyyarəsinin vurulması özünümüdafiə addımı idi. Heç bir ölkə öz vəzifəsini yerinə yetirdiyi üçün üzr istəməz. Ordumuz öz vəzifəsini yerinə yetirdi. Heç bir ölkə öz işimizi yerinə yetirdiyimiz üçün bizdən üzr gözləməsin”.

Baş nazirin sözlərinə görə, Türkiyənin gərginliyi artırmaq niyyəti yoxdur.

“Biz gərginliyin aradan qaldırılması üçün istənilən səviyyədə Rusiya ilə görüşlərə hazırıq”, deyə Davudoğlu sözlərinə əlavə edib.

Ölkə.az