ABŞ: Rus təyyarəsi Türkiyənin hava sərhədlərini pozduğuna görə vurulub

ABŞ Dövlət Departamenti Rusiya ilə Türkiyə arasındakı gərginliyə münasibət bildirib.

Ölkə.az xəbər verir ki, Dövlət Departamentinin sözçüsü Elizabet Trude gündəlik mətbuat konfransında jurnalistlərin suallarına cavab verərkən bildirib ki, ABŞ-ın əlində Rusiya təyyarəsinin Türkiyənin hava məkanına girdiyi haqda dəlillər var.

Departamentin rəsmisi qeyd edib ki, Türkiyə pilotu dəfələrlə rus pilota xəbərdarlıq etsə də, ondan cavab almayıb.

"Hava sərhədlərinin pozulmasından öncə rus pilota dəfələrlə xəbərdarlıq edilsə də ondan cavab gəlməyib. Türkiyənin öz sərhədlərini qorumaq haqqı var və türk pilot da buna uyğun hərəkət edib", deyə Elizabet Trude vurğulayıb.

Ölkə.az