\"Türkiyə səfərindən əlidolu qayıdan rus qadınlarının qarşısını bu qadağalar ala bilməyəcək\"

Türkiyənin Rusiya hərbi təyyarəsini vurması iki dövlət arasında münasibətləri iflic edib.

Rusiya buna qarşılıq olaraq Türkiyəyə müxtəlif sahələrdə sanksiyalar tətbiq edib. İqtisadçı eksprtlər bu sanksiyaların iki dövlət üçün də mənfi nəticələrinin olacağını bildirirlər.

Rusiya ilə Türkiyə arasında baş verən prosesləri politoloq Qabil Hüseyinli Ölkə.Az-a şərh edib:

"Rusiyanın tətbiq etdiyi sanksiyalar axıra kimi işləməyəcək. Artıq o sanksiyalardan bəziləri öz təsirini itirib. İdman naziri bəyan edib ki, dünya çempionatının keçirilməsi ilə əlaqədar olaraq 12 şəhərdə beynəlxalq standartlara cavab verən stadionlar tikilir. O stadionları inşa edən Türkəyə şirkətləridir. Qeyd ediblər ki, sanksiyalar zamanı həmin şirkətlərə və orada çalışan işçilərə toxunulmayacaq. Türkiyənin inşaat sektoru o qədər üstündür ki, Rusiya bundan imtina edə bilməyəcək. Hələ ki, yanvarın 1-ə qədər Türkiyədən idxal edilən kənd təsərüffatı məhsullarının nəzarəti gücləndiriləcək, ancaq idxala tam qadağa qoyulmayacaq. Rusiyanın turizim sahəsində tətbiq etdiyi embarqo siyasətinə rusların çoxu qoşulmaq niyyətində deyil. Rusiya turizim sektorunun rəhbərlərindən biri Maya Çeladze bəyanat verərək bildirib ki, rusiyalı turistlər üçün başqa məkanlara baxırıq, ancaq Türkiyədəki xidməti və Türkiyədəki ucuzluğu heç yanda tapa bilmirik. Ona görə də, Türkiyəyə turizimi dayandırmaq mümkün olmayacaq. Antalyada dincələn rusiyalı qadınlar mitinq keçirərək Putinin əleyhinə şüarlar səsləndiriblər. Deyiblər ki, həmişə olduğu kimi Türkiyyə dincəlməyə gedəcəyik. Rus qadınlarında Türkiyəyə qarşı bir sevgi var. Turizim səfərindən əli dolu qayıdan rus qadınlarının qarşısını bu qadağa ala bilməyəcək.

Rusiya futbol klubları hamısı təlim məşq toplantılarını həmişə Antalya şəhərində keçirib. Ona da qadağa qoyublar. Rusiyanın "Lokomotiv" klubunun prezidenti bildirib ki, necə olursa olsun, özlərinin qış toplantısını Antalyada keçirəcəklər. Moskvada Putinin atdığı addımlarla bağlı rəy sorğusu keçirilib. Rəyi soruşulanların böyük hisəsi Rusiya-Türkiyə münasibətlərinin gərginləşməsində Putini günahkar biliblər. Rus xalqı ayılıb. Ruslar əvvəlcə ayıq başla hadisələrə reaksiya vermir. "Paxmel"dən ayılan adamlar kimi sonra ayıq başla hadisələrə reaksiya verirlər. Rusiyada siyasi elitanı çıxmaq şərti ilə artıq xalq hadisələri daha düzgün qiymətləndirməyə başlayıb.

Rusiya-Türkiyə münasibətlərini qaydaya salmaq üçün Azərbaycan və Qazaxıstan da vasitəçilik etməyə başlayıblar. Bu, iki ölkə arasındakı münasibətləri mərhələ-mərhələ qaydaya salacaq".

Səxavət Məmməd
Ölkə.Az