Zidanın oğlu atasının yolu ilə gedir
Luka Zidan rəqibinə kəllə vurdu
Ölkə.Az xəbər verir ki, "Real Madrid" klubunun gənclərdən ibarət komandasının qapıçısı Luka Zidan rəqibini başı ilə vurub.
Hadisə "Atletiko"ya qarşı oyun zamanı baş verib. Zərbə kadrlara düşməsə də, hakim "Real"ın oyunçusuna qırmızı kart göstərib.
Xatırladaq ki, 2006-cı ildə Futbol üzrə dünya çempionatının finalında Zinəddin Zidan İtaliya yığmasını müdafiəçisi Marko Materatsini başı ilə vurmuşdu.
Zinəddin Zidan fransalı futbolçu, İspaniyanın "Real Madrid" futbol klubunun baş məşqçisi Karlo Ançelottinin köməkçisi, BMT-nin xoşməramlı səfiri. 2006-cı ildə futbolçu karyerasını başa vurub.
Daha sonra o, "Real Madrid" klubunda prezidentin müşaviri, idman direktoru vəzifələrində çalışıb. Hal-hazırda klubda baş məşqçinin asistentidir. Zidan, həmçinin, müxtəlif xeyriyyə oyunlarında iştirak edir və böyük şirkətlərin reklam çarxlarında çəkilir.
Ölkə.Az
