Davudoğlu Rusiyada qadağa olunan türk mallarından danışdı
Baş nazir Əhməd Davudoğlu Rusiyanın Türkiyəyə qarşı tətbiq etdiyi iqtisadi sanksiyalarla bağlı açıqlama verib.
O, bu sanksiyalara qarşı tədbir görəcəklərini, gömrükdə saxlanılan meyvə və tərəvəzləri xarab olmadan ölkəyə gətirəcəklərini bildirib.
Baş nazir Rusiyanın hər iki ölkənin xeyrinə olmayan qərarlar qəbul etməsinin yanlış olduğunu, bu məsələnin masa arxasında da həll edilə biləcəyini vurğulayıb:
“İqtisadi sanksiyalar onu tətbiq edən ölkəyə də həmişə mənfi təsir edir. Biz bu dönəmdə Rusiya kimi ani reaksiyalar göstərməyəcəyik. Diqqətli düşünüb doğru qərarlar verəcəyik”.
Davudoğlu turizmlə məşğul olanlar üçün də yeni məkanların araşdırıldığını söyləyib. (qafqazinfo)
Ölkə.Az
