Ollandın reytinqi qalxıb

Fransa prezidenti Fransua Ollandın prezident seçildiyi 2012-ci ildən etibarən enməkdə olan reytinqi hazırda ən yüksək səviyyəyə çatıb.

Ölkə.Az-ın musavat.com-a istinadən verdiyi məlumata görə, Ollandın nüfuzu Parisdə dünyanı silkələyən 13 noyabr terror aktlarından sonra kəskin qalxıb.

Fransa İctimai Fikrin Tədqiqi İnstitutunun apardığı sorğunun nəticələrinə görə, respondentlərin 62%-i hesab edir ki, Fransua Olland xaricdə ölkənin maraqların layiqincə qoruyur, 38% o qənaətdədir ki, Olland onlara həqiqəti söyləyir. Bir o qədər düşünür ki, prezident onların problemlərini başa düşür.

Bütövlükdə rəyi soruşulanların 32%-i öz prezidentlərinin fəaliyyətini müsbət dəyərləndirib. 
Bununla belə, yaxın vaxtlarda prezident seçkiləri olarsa, Olanda yalnız 28% respondentin səs verəcəyi bəlli olub. Bu, onun son prezident seçkisinin 1-ci turunda aldığı səslərdən bir qədər azdır.

Ölkə.Az