Türkiyə Rusiyaya belə cavab verəcək

Türkiyə Rusiyanın sanksiyalarına qarşı cavab tədbirlər hazırlayır

Ölkə.Az-ın xəbərinə görə, Türkiyə baş naziri Əhməd Davudoğlu bəyan edib ki, Su-24 hərbi təyyarəsinin vurulmasına cavab olaraq Moskvanın türk şirkətlərinə qarşı tətbiq etdiyi sanksiyalar beynəlxalq hüquq normalarını pozur.

Bu bəyanatla o, Ankarada aparıcı iş adamları ilə dünən axşam görüşdə çıxış edib. Davudoğlu bildirib ki, Ankara Rusiyanın iqtisadi sanksiyalarına qarşı cavab tədbirlər hazırlayır. Onun sözlərinə görə, lazım olduğu təqdirdə onlar elan ediləcək. Baş nazir Rusiyanı iki ölkə arasındakı münasibətlərdə gərginliyi azaltmağa və mövcud vəziyyətdən çıxış yolunu danışıqlar masası arxasında müzakirə etməyi təklif edib.

Davudoğlu Türkiyənin İŞİD terror təşkilatından neft alması barədə məlumatları təkzib edib.

Rəşid Mustafazadə

Ölkə.Az