\"Taliban\"ın yeni lideri də öldürüldü

Bu şəxs məhz Aktar Məhəmməd Mənsur idi

Ölkə.Az xəbər verit ki, bir çox dünya KİV-ləri "Taliban" terror hərəkatının lideri Aktar Məhəmməd Mənsurun atışma zamanı aldığı yaralardan öldüyünü bəyan edib.

Bildirilir ki, o, bir müddət öncə digər qruplaşma rəhbərləri ilə mübarizə nəticəsində ağır yaralar alıb. Onun yeni rəhbər seçilməsindən sonra "Taliban"ın iki yerə parçalandığı deyilirdi.

Bir neçə ay öncə "Taliban" hərəkatı yeni liderini seçib. Qeyd olunur ki, bu şəxs məhz Aktar Məhəmməd Mənsur idi.

Əfqanıstan höküməti və kəşfiyyat qrupları “Taliban” terror təşkilatının lideri Molla Ömərin 2 və ya 3 il bundan qabaq öldüyünü açıqlanmışdı. Molla Ömərin 2013-cü ilin iyul ayında Talibandan ayrılan Əfqanıstan İslam Hərəkatı “Fidai-e Mahaz”ın komandirləri tərəfindən öldürüldüyü iddia edilirdi.

Taliban lideri SSRİ işğalının başlaması ilə dini təhsilini yarıda qoyaraq, sovet əsgərlərinə qarşı döyüşməyə başlamışdı. Həmin döyüşlərdə bir gözünü itirən lider “üzü olmayan insan” olaraq tanınırdı.

Qeyd edək ki, Molla Ömər haqqında daha əvvəllər də ölüm xəbərləri çıxıb, amma Əfqanıstanın heç bir yüksək səlahiyyətli şəxsi bu xəbəri təsdiq etməyib.

Rəşid Mustafazadə

Ölkə.Az