Böyük Britaniya İŞİD-in növbəti hədəfi ola bilər
Suriyadakı əməliyyatlardan sonra təhlükə daha da artıb
Ölkə.Az xəbər verir ki, bu günlərdə İŞİD terror təşkilatına qarşı hava zərbələrini həyata keçirməyə başlayan Böyük Britaniya sözügedən qruplaşmanın növbəti hədəfi ola bilər.
Bu barədə CNN telekanalı məlumat yayıb. Telekanalın informasiyasına əsasən, kəşfiyyat orqanlarının iddiasına görə, hazırda terrorçuların sıralarında 700-ə yaxın Britaniya sakini var və onlar hücumlar həyata keçirmək üçün vətənə qayıda bilərlər.
Ölkə sakinləri arasında aparılmış sorğunun iştirakçılarının 43%-i hesab edir ki, Suriyadakı əməliyyatlardan sonra təhlükə daha da artıb.
Xatırladaq ki, noyabrın 13-də Parisdə törədilmiş silsilə partlayışlar nəticəsində 129 nəfər ölüb, 352 nəfər yaralanıb, onlardan 99 nəfərinin vəziyyəti kritikdir.
Rəşid Mustafazadə
Ölkə.Az