Çeçen politoloq: Çeçenləri təhqir edən "Doberman" milliyətcə ermənidir

Tanınmış çeçen politoloq, "Qroznıinform" agentliyinin analitiki İslam Saydayev İŞİD-in Ramzan Kadırovun başına pul qoyması haqda yayılan xəbərləri Ölkə.az-a şərh edib:

- Cənab Saydayev, yayılan bu informasiya ilə tanışsınız?

- Bəli, tanışam.

- Sizcə bu xəbər nə qədər həqiqətəuyğundur?

- Bu xəbərlər dezinformasiyadan başqa bir şey deyil. Xəbəri yayan mənbələri araşdırdıqda aydın olur ki, bu Movladi Uduqovun növbəti təxribatıdır.

- Əminsiniz?

-Yüz faiz əminəm. Çünki əli hər yerdən üzülən separatçılar indi də gürcülərlə çeçenlətrin arasını vurmaq istəyirlər. Çünki Əş-Şişani gürcüdür və Gürcüstan xüsusi-xidmət orqanlarının keçmiş əməkdaşıdır. Əgər bu Əş-Şişaninin özünün təşəbbüsü olsaydı biz mütləq internetdə onun videosunu görərdik. Deməli Uduqovun uydurmasıdır. Şişani çoxlarından ağıllı adamdır və belə bəyanatlar verəcəyinə inanmıram.

- Ukraynada vuruşan Doberman ləqəbli gürcünün çeçenləri ağır təıhqir etməsi məsələsində Uduqovun izini görürsünüz? Çünki sizin "gürcülərlə çeçenlərin arasını vurmaq istəyirlər" sözünüzdən sonra bu hadisə ağlıma gəldi...

- Əlbəttə bunlar hamısı eyni mərkəzdən idarə olunan prosseslərdir və bilməyənlər üçün onu da qeyd edirəm ki, "Doberman" ləqəbli təxribatçı milliyyətcə ermənidir.

- Sağ olun müsahibəyə görə.

- Siz sağ olun.

Qafqaz Ömərov

Ölkə.az