Pentaqon İraq və Suriya ərazisində quru əməliyyatlarına hazırlaşır

İŞİD-in mövqelərinə endirilən hava zərbələrindən sonra ABŞ quru əməliyyatlarına hazırlaşır.

Ölkə.az ABŞ mətbuatına istinadən xəbər verir ki, ABŞ ordusunun birləşmiş qərargahlar komitəsinin sədri general Martin Dempsi jurnalistlərə verdiyi açıqlamasında belə deyib.

General qeyd edib ki, hava zərbələri İraq və Suriyanın böyük hissəsinə səpələnmiş İŞİD yaraqlılarının hamısını məhv etməyə imkan vermədiyindən Pentaqon quru əməliyyatı keçirməyi planlaşdırılır.

Xatırladırıq ki, İŞİD-in Türkiyə ilə sərhəd bölgələrdə nəzarəti ələ keçirməsindən sonra NATO öz üzvü olan bu dövlətin təhlükəsizliyini təmin etmək məqsədi ilə kompleks tədbirlər planı hazırlayıb. Əməliyyatların Türkiyənin Suriya ilə sərhəd zolağına yaxın bölgələrdə aparılacağı güman edilir. General Martin Dempsi isə keçiriləcək yerüstü əməliyyatların detalları haqqında jurnalistlərə heç bir məlumat verməyib.

Ölkə.az