Rusiya beynəlxalq aləmdə biabır oldu

İraq kürdləri Rusiya Müdafiə Nazirliinin İŞİD-in neft maşınları adı altında yayımladığı maşınların onlara aid olduğunu bəyan ediblər.

Ölkə.az xəbər verir ki, Şimali İraq kürd muxtariyyətinin rəsmi nümayəndəsi Şerko Cövdət Rusiyanın Ərdoğanın İŞİD-lə neft biznesi əlaqələrini guya ifşa etmək üçün yayımladıqları fotolar və videolardakı yanacaq daşıyan maşınların onlara məxsus olduğunu bəyan edib.

O, bildirib ki, rusların nümayiş etdirdikləri bütün maşınlar və neft çənləri Şimali İraq kürd muxtariyyətinə məxsusdur və İŞİD-lə heç bir əlaqəsi yoxdur.

Xatırladırıq ki, Rusiya Müdafiə Nazirliyi bir gün əvvəl bütün dünya mediasının nümayəndələrini dəvət etdikləri mətbuat konfransında Türkiyə dövlətini və prezident Ərdoğanı İŞİD-lə neft biznesində ittiham etmişdi.

Artıq Rusiyanın bu isteriyasının gülünc olduğu, ittihamlarının yalan və böhtan üzərində qurulduğu bütün dünya ictimaiyyətinə aydın olur.

Ölkə.az