Britaniyadan İŞİD-ə növbəti zərbələr
Bu, sayca ikinci hücumdur
Ölkə.Az xəbər verir ki, Böyük Britaniya qırıcıları Suriyada İŞİD terror təşkilatının mövqelərinə ikinci zərbələr seriyasını həyata keçiriblər.
Əsas məqsəd yaraqlıların nəzarət etdiyi neft regionlarına zərbələr endirmək olub.
Bu günlərdə İŞİD terror təşkilatına qarşı hava zərbələrini həyata keçirməyə başlayan Böyük Britaniya sözügedən qruplaşmanın növbəti hədəfi ola bilər.
Bu barədə CNN telekanalı məlumat yayıb. Telekanalın informasiyasına əsasən, kəşfiyyat orqanlarının iddiasına görə, hazırda terrorçuların sıralarında 700-ə yaxın Britaniya sakini var və onlar hücumlar həyata keçirmək üçün vətənə qayıda bilərlər.
Ölkə sakinləri arasında aparılmış sorğunun iştirakçılarının 43%-i hesab edir ki, Suriyadakı əməliyyatlardan sonra təhlükə daha da artıb.
Rəşid Mustafazadə
Ölkə.Az
