Çində məktəbə hücum olunub:
Məktəbə edilən hücum nəticəsində 4 nəfər şagird həyatını itirib
Ölkə.Az xəbər verir ki, Çinin cənubundakı Guangi Juang Muxtar Bölgəsindəki ibtidai məktəbə təşkil edilən bıçaqlı hücumda 4 şagird həyatını itirib.
Rəsmi Xinhua agentliyinin xəbərinə görə, yerli saatla səhər 6 radələrində Lingşan qəsəbəsindəki hücumu orta yaşlarındakı bir təcavüzkarın reallaşdırdığı qeyd edilib. Hücumda 3 şagirdin hadisə yerində, birinin isə qaldırıldığı xəstəxanada həyatını itirdiyi açıqlanıb. Polisin cinayətkarı tutmaq üçün əməliyyata başladığı bildirilib.
Xatırladaq ki, Çində son zamanlar xüsusilə kiçik yaşlı uşaqların təhsil aldığı məktəblərə bıçaqlı hücumlar artıb.
Rəşid Mustafazadə
Ölkə.Az
