ABŞ hava hücumlarına davam edir

ABŞ-ın başçılıq etdiyi koalisiya qüvvələri Suriyanın müxtəlif şəhərlərinə hava hücumlarını davam etdirirlər.

Ölkə.Az Anadolu agentiyinə istinadən xəbər verir ki, Suriya Ümumi İnqilab Şurasından edilən yazılı şərhdə bildirilib ki, Deyr əz-Zor çölündə olan Əl-Meyadinə 4 hava hücumu təşkil  olunub. Rakka şəhərində də koalisiyaya aid təyyarələrin uçuş etdiyi deyilib. 

Şam Xəbər Network (SNN) isə Əl-Haskin vilayətindəki Əl-Bahral Hatuniyye bölgəsinə hava hücumları təşkil edildiyini və bu bölgənin İraq sərhədinə yaxın olduğunu qeyd edib. 

SNN hava hücumlarında Eş-Sedad şəhərindəki neft sahəsinin da hədəf alındığını bəyan edib. 

Xatırladaq ki, Bəhreyn, Qətər, Səudiyyə Ərəbistanı, İordaniya və Birləşmiş Ərəb Əmrliklərinin də iştirakı ilə ABŞ, Suriyadakı İŞİD hədəflərinə çərşənbə axşamı günü hava hücumları həyata keçirməyə başlayıb.

Rəşid Mustafazadə

Ölkə.Az