Qaçırılan 276 qızdan biri tapıldı

Nigeriya polisi "Boko Haram" terror qruplaşmasının üzvləri tərəfindən oğurlanan 276 məktəbli qızlardan birini tapıb.

Mətbuata açıqlama verən qızın valideynləri bildirib ki, 20 yaşlı qız düzənlikdə tapılıb. Hazırda tapılan qız tibbi müayinədən keçirilir.

Qızın tapıldığı ərazinin oğurlandığı məktəblə ara məsafəsi təxminən 100 kilometrdir.

Qeyd edək ki, "Boko Haram" ötən il aprel ayında Çibok kəndindəki məktəbə hücum edərək 276 məktəbli qızı satmaq məqsədilə oğurlamışdı. Qızlar 13-20 yaş arasında olublar.

Oğurlanan qızlardan 50-ə yaxını qaçıb canını qurtara bilsə də qalanların taleyi məlum deyil. (anspress)

Ölkə.Az