Foreign Policy: \"Putinin xarici siyasətinin rəmzi itlərdir\"

"Terrorizmlə mübarizəyə həmrəylik nümunəsi olaraq Rusiya Fransa polisinə Dobrınya ləqəbli küçüyü hədiyyə edib və bu addım prezident Vladimir Putinin müttəfiqləri dəstəklədiyi və ya əksinə, düşmənləri üzərində üstünlüyü nümayiş etdirmək üçün itləri istifadə etməsi tendensiyanın davamıdır"

Ölkə.Az xəbər verir ki, bu fikirlər "Foreign Policy" jurnalında yer alıb.

Qeyd olunur ki, bir neçə il öncə Putin Ağ Evə səfər zamanı Corc Buşun Barni ləqəbli şotland teryerini görərək lağlağı ilə "Siz bunu it adlandırırsınız? sualını vermişdi. Bir il sonra isə Putin Buşa Koni adlı qara labradorunu göstərərək bəyan edib ki, onun iti daha böyük, güclü və sürətlidir.

2007-ci ildə Rusiya lideri labradorla birlikdə Almaniya kansleri Angela Merkelin itlərdən qorxduğunu bilərək onun görüşünə gəlmişdi.

"Mən bilirəm niyə o elə etdi. Öz kişiliyini sübut etmək üçün", - deyə Merkel jurnalistlərə bildirmişdi. O bu addımı yöndəmsiz siyasi gediş adlandırmışdı.

Nəşr vurğulayır ki, Putin itləri təkcə xarici siyasət rəmzi kimi istifadə etmir. Bu il qırğız məktəbli prezidentə məktub yazaraq, nyufaundlend küçüyünü arzuladığını bildirmişdi. Putin isə cavab verərək qız iti hədiyyə etdi. Qızcığaz həmin iti Dar adlandırmışdı.

Rəşid Mustafazadə

Ölkə.Az