Rusiya Ermənistandakı bazasını gücləndirdi
"...bundan sonra isə pilotlar uçuşlara başlayacaq"
Ölkə.Az xəbər verir ki, Rusiya silahlı qüvvələri Ermənistanda yerləşən Erebuni bazasını döyüş və nəqliyyat helikopterləri ilə gücləndirib.
Bu barədə məlumat Rusiyanın Cənub hərbi dairəsinin mətbuat xidməti tərəfindən yayılıb.
"Bu ilin sonuna qədər daha bir helikopterlər partiyası çatdırılacaq. Helikopterləri MiQ-29 qırıcıları ilə birlikdə quraşdırılmış dayanacaqlarda yerləşdirilib. Aviasiya vasitələrinin yığılması ay boyu aparılacaq, bundan sonra isə pilotlar uçuşlara başlayacaq", - deyə hərbçilərin məlumatında deyilir.
Bu partiya çərçivəsində Ermənistana 7 Mi-24P adlı döyüş və Mi-8MT adlı nəqliyyat helikopterləri gətiriləcək.
Rəşid Mustafazadə
Ölkə.Az
