Əş-Şişani Ramzan Kadırovun başına pul qoydu
ABŞ-ın "Beynəlxalq terrorçular" siyahısına saldığı Ömər Əş-Şişani Çeçenistan lideri Ramzan Kadırovun başına pul qoyub.
Ölkə.az "Azad Çeçeniya" agentliyinə istinadən xəbər verir ki, Əş-Şinani Ramzan Kadırovu öldürənə 5 milyon dollar mükafat vəd edib.
Agentlik Əş-Şişanin müraciətini yayıb:
"Allaha and olsun ki, bütün bunlara artıq dözmək mümkün deyil. Kadırov və onun dəstəsinin Çeçenistanda törətdikləri vəhşilikləri sözlə ifadə etmək mümkün deyil. Onlar bütün sərhədləri keçiblər. İmanlı qadınların hicablarını, paltarlarını cırır, onları ən alçaldıcı ifadələrlə təhqir edirlər. Buna son qoymaq və Kadırov başda olmaqla onun dəstəsini məhv etmək lazımdır".
Bu bəyanatdan sonra ekran qarşısına keçən Ramzan Kadırov ABŞ və Qərbi İŞİD-i silahlandırmaqda günahlandıraraq Çeçenistan ərazisində radikalları öldürməyə davam edəcəyini bildirib.
Ölkə.az
