Məmur rüşvət aldığını etiraf etdi
Çində sabiq yüksək rütbəli iqtisadçı milyonlarla dollar rüşvət aldığını etiraf edib.
Liu Tienan adlı iqtisadçı dünyanın ikinci ən böyük iqtisadiyyatını idarə edən Milli İnkişaf və İslahat Komisiyasının direktor müavini olub.
O, Kommunist partiyasında korrupsiyanın aradan qaldırılması istiqamətində ictimai səviyyədə aparılan kampaniyanın ifşa etdiyi sonuncu Çin rəsmisidir.
Prokuror Liu Tienanın təxminən 6 milyon dollar dəyərində rüşvət aldığını bildirib. Bunun bir qismi nağd pul, digəri isə Porşe avtomobili və Pekində villa hədiyyələri olub.
Məhkəmə prosesinin stenoqramında qeyd edilir ki, 59 yaşlı sabiq məmur göz yaşı axıdaraq törətdiyi cinayətləri etiraf edib.
Liu Tienanın təqsiri sübut yetirilərsə onu 10 il və ya ömürlük həbs cəzası gözləyir. (anspress)
Ölkə.Az
Ölkə.Az
