Suriyadan ilk rəsmi açıqlama

ABŞ-ın İŞİD-i Suriyada ilk dəfə vurmasının ardından Suriya rəhbərliyindən də ilk açıqlama gəldi. 

Ölkə.Az xəbər verir ki, Suriya hökuməti verdiyi açıqlamada İŞİD-ə qarşı mübarizəyə qoşulmağa hazır olduğunu bildirib.

"Terrora qarşı mübarizədə hər cür beynəlxalq əməkdaşlıq etməyə hazırıq", - deyə rəsmi Dəməşqdən bildirilib.

Eyni zamanda, rəsmi Dəməşq İŞİD-lə ölkənin şərqində və digər bölgələrin də döyüşməyə davam edəcəyini vurğulayıb. 

Qeyd edək ki, bu gün ABŞ-ın hərbi aviasiyası İŞİD-in Suriya ərazisindəki mövqelərinə zərbələr endirib.

Barak Obamanın İŞİD-lə mübarizə strategiyasında terror təşkilatının Suriyadakı mövqelərinin də vurulması yer alıb. Suriya rejimi, o cümlədən İran və Rusiya etirazını bildirsə də, ABŞ bunun üçün nə Dəməşqdən, nə də digərlərindən icazə alacağını deyib.

Rəşid Mustafazadə

Ölkə.Az