Lukaşenko: \"Rusiya və Türkiyə kompromisə getməlidirlər\"

Ölkə başçısı münasibətlərin bərpasına çalışır.

Ölkə.Az xəbər verir ki, Belarus prezidenti Aleksandr Lukaşenko Rusiya və Türkiyəyə müraciət edərək, onları barışığa səsləyib.

Lukaşenko bildirib ki, iki ölkə rəhbəri arasında olan münasibətləri gərginləşdirmək əvəzinə onları yumşaltmalıdırlar.

"Rusiya və Türkiyə bundan sonra kompromisə getməlidirlər. Onlardan hansısa bir addım atmalı və əvvəlki dostluq münasibətlərini bərpa etməlidirlər", - deyə Lukaşenko bildirib.

Xatırladaq ki, Rusiya və Türkiyə arasında münasibətlər noyabrın 24-də gərginləşməyə başlayıb. Buna səbəb Türkiyənin F-16 qırıcı təyyarəsinin Suriya ilə sərhəddə Rusiyaya məxsus Su-24 təyyarəsini məhv etməsidir.

"Su-24" təyyarəsi Türkiyə ilə sərhəddi pozduğu üçün vurulub. Rusiya isə bu iddiaları təkzib edir.

Rəşid Mustafazadə

Ölkə.Az