Əziz Sancar: \"Xərçəngin qarşısını almaq üçün ən yaxşı yol...\"

Nobel mükafatı laureatı Əziz Sancar xərçəngin qarşısını almağın ən asan yolunu göstərdi.

Ölkə.az xəbər verir ki, 2015-ci kimya üzrə Nobel mükafatı laureatı Türkiyə vətəndaşı Əziz Sancarın xərçəng haqqında söylədikləri böyük rezonans doğurub.

Əziz Sancar DNT sahəsində apardığı araşdırmalar və bu sahədə əldə etdiyi yeniliklərə görə Nobal almış bir alim kimi, xərçəngin müalicəsi üçün də gələcəkdə istifadə oluna biləcək çox qiymətli yeniliklər edib. Xərçəng və onun müalicəsi haqda Əziz Sancar bu dəhşətli və sağalmaz xəstəliyinin bir çox səbəblərdən yarana biləcəyini vurğulayıb.

Onun sözlərinə görə, xərçəngin qarşısını almaq, inkişafını dayandırmağın ən yaxşı və asan yolu siqaret çəkməməkdir.

"Siqaretin içərisindəki kimyəvi maddələr DNT-nin quruluşunu pozur. Bunun nəticəsində isə xərçəng yaranır. Siqaret ən çox insanlarda ağciyər xərçəngi yaradır. Çox siqaret çəkən insanlarda DNT özünü bərpa edə bilmir və quruluşu pozulur", deyə Əziz Sancar siqaret çəkənlərə xəbərdarlıq edib.

Ölkə.az