Rusiya və Türkiyənin barışması üçün

Səfir danışır...

Ölkə.Az-ın xəbərinə əsasən, Rusiyanın Ankaradakı səfiri Andrey Karlov bəyan edib ki, Rusiya ilə Türkiyə arasında "Su-24" təyyarəsinin vurulmasından sonra yaranmış gərginliyi aradan qaldırmanın 3 şərti açıqlanıb.

Andrey Karlov baş verən hadisədən sonra xilas olmağa müvəffəq olmuş pilot Oleq Peşkovun Alparslan Çelik adlı Türkiyə vətəndaşı tərəfindən vurulduğunu dilə gətirib.

"Prezident Vladimir Putin daha öncə Türkiyədən gözləntilərini bəyan etmişdi. Birincisi, təyyarənin vurulması, pilotun ölümü ilə bağlı üzr istənməli, ikincisi, buna məsul olan şəxslərin tapılması və lazım olan cəzaların verilməsi, üçüncüsü isə Rusiyanın üzləşdiyizərərin ödənilməsi. Bu şərtlərimiz yerinə yetirilməsə, Türkiyənin digər açıqlamaları nəticəsiz qalacaq", - deyə Karlov bildirib.

Xatırladaq ki, noyabrın 24-də Türkiyə Hərbi Hava Qüvvələrinin qırıcısı Suriya ilə sərhəddə Rusiyaya məxsus bombardmançı təyyarəni vurub. Türkiyə tərəfi Su-24 təyyarəsinin sərhədi pozduğuna görə vurulduğunu bəyan edib.

Rusiya tərəfi isə təyyarənin Suriya ərazisində vurulduğunu iddia edir.

Rəşid Mustafazadə

Ölkə.Az