Ölkədə yoxsulların sayı 2 dəfə artdı

İnflyasiya və büdcə xərcləmələrinə gətirilən məhdudiyyət ölkədə yoxsulların sayını iki dəfə artırıb.

Ölkə.az xəbər verir ki, Rusiyanın populyar analitik mərkəzlərindən birinin mütəxəssisi Leonid Qriqoryevin hazırladığı hesabatda deyilir.

"Oqonyok" jurnalında dərc olunan hesabatda Rusiyada son 1 il ərzində gedən prosseslər, iqtisadiyyatın zəifləməsi və əhalinin böyük bir hissəsinin sürətlə kasıblamasından bəhs edilir.

Ekspertin fikrincə son 1 ildə yoxsulluğun 2 dəfə artması çox təhlükəli göstəricidir. 2015-ci ilin III kvartalında yoxsulluq hədinin altında yaşayanların sayı 1,3 milyon nəfər artaraq 7,8% təşkil edib və beləliklə, ölkədə yoxsulluq həddinin altında yaşayanların sayı 17,9 milyona çatıb.

Bundan başqa analitiklərin fikrincə hökumət və özəl sektorun nəzərdə tutduğu 7%-lik maaş artımı da inflyasiyanın bu həddini nəzərə aldıqda əhaliyə heç cür kömək edə bilməyəcək.

Ölkə.az