Davutoğlu Türkiyə-Rusiya oyunu haqda
Türkiyənin baş naziri Əhməd Davutoğlu Avropa liqasının 1/16 final mərhələsində “Fənərbağça” ilə “Lokomotiv Moskva” arasında keçiriləcək matça rəy bildirib.
Ölkə.Az-ın ans press-ə istinadən məlumatına görə, baş nazir bildirib ki, komandaların arasında keçiriləcək oyunun ölkələr arasında olan problemlərə aidiyyatı yoxdur.
Əhməd Davutoğlu iki komandanın görüşünün gentlmen oyunu olacağına ümid edir:
"“Lokomotiv” bizim üçün yad komanda deyil. Meydanda qarşılaşacaq gənc oyunçuların indiki problemlərə aidiyyəti yoxdur. Türkiyə və Rusiya vətəndaşları Moskvanın və İstanbulun stadionlarını dolduracaq. Onlar bir-biriləri ilə düşmən deyil. Bu, centlmenlərin qarşılaşması olacaq. Mən güman edirəm ki, bu matç iki ölkə arasındakı münasibətlətə müsbət təsir göstərəcək. Bu idman oyunu böhrandan çıxmağın səbəbi ola bilər”
Xatırladaq ki, bu gün ki püşkatma mərasimində "Fənərbağça" ilə "Lokomotiv Moskva" klubları qarşılaşacaq. 1/16 final mərhələsinin ilk oyunları 18-25 fevralda keçiriləcək.
Ötən ay Türkiyə hərbi aviasiyasına aid “F-16” qırıcıları bu ölkənin Suriya ilə sərhəddində Rusiyanın “SU-24” hərbi qırıcısını vurub.
Rusiya təyyarəsinin Türkiyənin hava sərhəddini pozduğu bildirilir. 5 dəqiqə içində 10 dəfə xəbərdarlıq olunmasına baxmayaraq “SU-24” bunlara məhəl verməyib. Bu hadisədən sonra iki ölkə arasında gərginlik yaranıb. Hər iki ölkənin prezidenti və dövlət rəsmiləri hadisədən sonra bir-birlərinə qarşı kəskin ittihamlarla çıxış edib.
Ölkə.Az
