"Erməni arxası"na görə 300 min dollarlıq rekord cəza
"Tarixin arxa odası" adlı proqramda şərhçi Murad Bardakçının "Kim Kardaşyanın arxasını seyr edirsiniz, o ermənidir, seyr etməyin" sözlərinə Türkiyə Teleradio Şurası (RTÜK) 600 min türk lirəsi (təqribən 300.000 ABŞ dolları) cəza kəsib.
Ölkə.Az xəbər verir ki, Türkiyə Teleradio Şurası (RTÜK) məşhur tarixçilər Murad Bardakçı, Ərhan Afyonçu və Nurhan Atasoyun birlikdə apardıqları və Prof.Dr. İlber Ortaylının da qonaq olaraq qatıldığı "Tarixin arxa odası" adlı proqram səbəbiylə "Habertürk TV"-ni külli miqdarda cəzalandırıb.
"Milliyyət" qəzetinin yaydığı məlumata görə Türkiyə Teleradio Şurası (RTÜK) mütəxəssislərinin hazırladığı hesabata görə 6 sentyabr 2014 tarixində efirə gedən proqramda məşhur sənətçi Şarls Aznavurun "Sur Ma Vie" adlı mahnısı verilişin arxa fonunda çalınarkən tamaşaçılardan "niyə erməni mahnısı verirsiniz" şəklindəki etiraz mesajlarına hirslənən Murad Bardakçı "necə yəni ermənicə mahnı oxudursunuz deyirlər. Çüş əfəndim, oha. Bu fransızcadır, fransızca! Anladım, qulağınızla dinləmirsiniz. Başqa tərəfinizlə dinləyirsiniz. Mahnı fransızcadır, axmaqsanmı? "Mazi müləvvıs, hal bok, həti kənəf" şeiri Neyzenin deyil, Əşrəfindir. Kim Kardaşyanın böyük "arxasını" seyr edirsiniz, bax, o da ermənidir! Erməni arxasına niyə baxırsan?" ifadələrini mesaj yazan tamaşaçıya deyib.
RTÜK hesabatında ekranlarda arqo ya da təhqir ehtiva edən ifadələrin istifadə edilməməsi lazım olduğu, bu ifadələrin efir anlayışıyla uyğun olmadığı qeyd olunub. Buna görə də kanala 600 min türk lirəsi cəza kəsilib.
Ölkə.Az
