Tramp sağlamdır?

Tramp arayışı nümayiş etdirdi

Ölkə.Az xəbər verir ki, ABŞ prezidentliyinə namizəd, milyarder Donald Tramp həkimdən aldığı arayışı yayıb.

Müayinənin nəticələrinə əsasən, 69 yaşlı iş adamının sağlamlıqla bağlı heç bir problemi yoxdur.

"Tramp seçkidə qalib gəlsə, əminliklə deyə bilərəm ki, o, bütün dövlət başçıları arasında ən sağlam şəxs olacaq", - deyə Trampın həkimi qeyd edib.

Həkim vurğulayıb ki, Tramp heç vaxt içməyib və çəkməyib.

Xatırladaq ki, prezidentliyə namizəd milyarder, respublikaçıların ən real namizədi Donald Tramp müsəlmanları ABŞ-a ümumiyyətlə buraxmamağa çağırıb.

Tramp yaydığı yazılı açıqlamada Amerikanın yenidən böyük və hegemon olmasından danışıb.

O, bildirib ki, Amerikadakı müsəlmanların böyük əksəriyyətinin amerikalılardan zəhləsi gedir. Ona görə ölkə daxilində sərt tədbirlər alınana qədər müsəlmanların ölkəyə girişinin qadağan edilməsi daha vacib olardı.

Rəşid Mustafazadə

Ölkə.Az