Ermənilər Abxaziyada çevriliş hazırlayır

Üzdəniraq Abxaziya Respublikasında daxili vəziyyət gərginləşməkdədir.

Ölkə.az xəbər verir ki, Abxaziyada buranın erməni diasporu fəalaşşmağa və abxazlara qarşı iddialarla çıxış etməyə başlayıblar.

Gürcüstanın bu separatçı bölgəsində vaxtilə abxazlarla birlikdə gürcülərə qarşı terror müharibəsində iştirak etmiş erməni daşnakları abxaz əhalisinin sayının azalması ilə birlikdə öz erməniliklərini nümayiş etdirməyə başlayıblar.

Abxaziyadakı mənbələrin verdiyi məlumata görə, ermənilər artıq Suxumi başda olmaqla Abxaziyanın bir sıra rayonlarında gizlicə silahlanmağa başlayıblar. Onlar iddia edirlər ki, Abxaziya əhalisinin çox hissəsini təşkil etdiklərinə baxmayaraq heç bir hüquqları yoxdur və onların Abxaziyaya hakim olmağa daha çox haqları var.

1992 - 1993-cü illərdə Gürcüstana qarşı gedən terror müharibəsində ermənilərin yaratdığı "Baqramyan" batalyonu Abxaziyanın gürcü əhalisinə qarşı xüsusi amansızlığı ilə seçilib. Müharibədən sonra ləğv edilən erməni batalyonunun keçmiş yaraqlılarının gizli suratdə həmin silahlı qruplaşmanı yenidən yaratdıqları bildirilir.

"Ermənilər Ermənistan və Rusiyanın xüsusi xidmət orqanları tərəfindən aktiv suratdə silahlandırılırlar və yaxınlarda Abxaziya yeni bir qanlı konfliktin mərkəzinə çevriləcək", deyə abxazların "Aydqilara" təşkilatının fəalları həyəcan təbili çalırlar.

Xatırladırıq ki, Abxaziyada əhalinin abxazlardan sonra ən çox hissəsi ermənilərdən ibarətdir. Qeyri-rəsmi məlumata görə, onların sayı 100 minə qədərdir.

Ölkə.az