Türkiyə-İsrail münasibətlərində tarixi anlaşma
Türkiyə və İsrail hökumətləri diplomatik əlaqələrin bərpasına dair ilkin tarixi anlaşma əldə ediblər.
Bu barədə xəbər yayan “Reuters” agentliyi tərəflərin səfirlərin geri qayıtması barədə razılaşdığını da xəbər verib.
Məlumatlara görə, anlaşma İsveçrədə aparılan danışıqlar çərçivəsində baş tutub.
Qeyd edək ki, iki ölkə arasında diplomatik münasibətlər 2010-cu ildə Türkiyənin Qəzzaya humanitar yük aparan “Mavi mərmərə” gəmisinə İsrail xüsusi təyinatlılarının hücumu nəticəsində ən aşağı səviyyəyə endirilmişdi. Hücum zamanı 9 Türkiyə vətəndaşı öldürülmüşdü.
İnsidentə görə rəsmi Təl-Əviv sonradan üzr istəsə də, ölənlərin ailələrinə təzminat məsələsində tərəflər hələ də anlaşa bilməyib. (musavat)
Ölkə.Az
