Avropa İttifaqı sərhəd xidməti yaradır

"...biz siyasi icma olaraq boşluğa düçar ola bilərik"

Ölkə.Az xəbər verir ki, Avropa ittifaqı öz sərhəd xidmətini qurmağa başlayır.

Bu barədə qərar Aİ-nin Brüssel sammitində qəbul olunub. Dövlət və hökumət başçıları Avropa Komissiyasının yeni sahil və sərhəd agentliyinin yaradılması təklifini müsbət dəyərləndirib.

"Xarici sərhədlərin qorunması olmadan biz siyasi icma olaraq boşluğa düçar ola bilərik. Ancaq indi biz bu məsələyə daha nikbin baxa bilərik, çünki bütün liderlər sərhədləri qorumağa razı oldu. Bununla bağlı biz təcili olaraq yeni sərhəd agentliyinin yaradılması məsələsinə baxmağı qərara aldıq", - deyə Avropa İttifaqı Şurasının prezidenti Donald Tusk bildirib.

Yeni xidmət sərhədlərin qorunması üzrə fəaliyyət göstərən "Frontex" agentliyinin bazası əsasında yaradılacaq.

Rəşid Mustafazadə

Ölkə.Az