Almaniya XİN başçısı: "Yaxın Şərqdə kürd dövlətinə ehtiyac yoxdur"

Almaniya kürd dövlətinin yaranmasına qarşı çıxdı.

Ölkə.az xəbər verir ki, Almaniyanın xarici işlər naziri Frank-Valter Ştaynmayer ölkəsinin müstəqil kürd dövlətinin yaranmasına qarşı olduğunu bildirib.

"Yaxın Şərqin bu regionuna çox şey lazımdır, amma ye4ni çəkilmiş sərhədlər lazım deyil. Bir neçə gün bundan əvvəl İraq kürd muxtariyyətinin başçısı Məsud Bərzani məni əmin elədi ki, kürdlər müstəqillik arzularını unutmayıblar və bunu yalnız dinc, dialoq yolu ilə qazanacaqlar, qanla, zorakılıqla deyil", deyə Almaniyanın XİN başçısı bildirib.

Xatırladırıq ki, Almaniya İraq kürdlərinə İŞİD-lə müharibə üçün hərbi yardımlar ayırıb. Berlin bu yardımların kürdlər tərəfindən başqa məqsədlərdə istifadə edilməsini istəmir.

Ölkə.az