UNİSEF: Yoxsulluq Ermənistan əhalisini məhv edir

UNISEF yeni hazırladığı Ermənistan hesabatını açıqlayıb.

Ölkə.az xəbər verir ki, UNİSEF-in Ermənistandakı nümayəndəsi Tanya Radokay bu postsovet ölkəsindəki son durumla bağlı illik hesabatını təqdim edib.

"Yoxsulluq və aclıq - Ermənistanın bir nömrəli problemidir. Məhz bu amil Ermənistanda uşaqların həyatına təsir edən ən mənfi amildir. Aclıq və yoxsulluq ailələri uşaqlarını uşaq evlərinə, yetimxanalara verməyə məcbur edir. Ağır iqtisadi durum insanların yaşayış səviyyəsinə, ailələrin vəziyyətinə pis təsir etdiyindən onlar öz uşaqlarını lazımı qədər qida ilə təmin edə bilmirlər. Uşaqların körpə vaxtlarında səhhətlərindəki xırda problemlər imkansızlıq ucbatından araan qaldırılmadığından sonra bu xəıstəliklər onlar böyüyəndə özünü daha ciddi problem kimi, hətta əlillik dərəcəsi kimi büruzə verir və onların sonrakı həyatı kabusa dönür", deyə UNİSEF-in Ermənistandakı nümayəndəsi vurğulayıb.

"Ermənistanda yoxsulluğu aradan qaldırmaq, aclıq insanların problemini həll etmək lazımdır ki, onlar ölkədən qaçmasınlar, normal yaşaya bilsinlər və öz uşaqlarını sağlam böyüdə bilsinlər. Əks təqdirdə Ermənistanda doğulan uşaqlardakı fiziki qüsurlar gələcəkdə ölkədə böyük bir əlil ordusu yaradacaq. Çünki insanların tibbi sığortası yoxdur və onlar bir çox xəstəliklərdən elə gənc yaşlarında ölürlər. Hökumət bu problemləri ən qısa müddətdə həll etməyə çalışmalıdır, əks təqdirdə bunun ağır nəticələrinə qatlaşmalı olacaq", Tanya Radokay hesabatını belə bitirib.

Xatırladırıq ki, hər keçən il vəziyyəti daha da ağırlaşan Ermənistanda əhalinin yarıdan çoxu ölkəni tərk edib. Geridə qalanlar isə yaşamaq uğurunda mübarizə aparmaqla məşğuldurlar.

Ölkə.az