Keçmiş prezident həbs olundu

Ölkə.Az BBC Newsa istinad edərək xəbər verir ki, San-Salvador məhkəməsi keçmiş prezident Fransisko Floresin ev dustaqlığı haqqında qərarını ləğv edərək onu hüquq-mühafizə orqanlarına təhvil verib.

Həbs haqqında qərar narazı vətəndaşların küçələrdə etiraz etmməsindən sonra qəbul olunub. Vətəndaşların fikrincə, 4 aydan çox gizlənən insan üçün bu cəza çox yumşaqdı.

 

5 sentyabrda Fransisko Flores, axtarışda olmasının artıq 4-cü ayında məhkəməyə gəldi. Məhkəmə araşdırmalar aparılana qədər keçmiş başçının hələlik ev dustaqlığına məhkum etdi. 

Qeyd edək ki, Flores 1999-2004-cü illərdə prezident vəzifəsində çalışıb.  2003-cü ilin sonu və 2004-ün əvvəlində Tayvan Salvadora 10 milyon dollarlıq yardım etmişdi. Hazırki Salvador prezidenti Maurisio Funes iddia edir ki, həmin pullar zəncirvari şəkildə Floresin şəxsi hesabına köçürülür.

Eks-prezident bu fikirləri təkzib edir.