Türkiyədə Qazilər Günündə biabırçılıq yaşandı

Ölkə.Az milliyet.com-a istinad edərək xəbər verir ki, Qazilər Günü münasibətilə yağış vaxtı təşkil edilən mərasimdə Vali Ali Kaban, Bələdiyyə Başçısı Məhərrəm Akdəmir və Tuğgeneral Birol Şimşək mühafizəçilərin tutduğu çətirlə yağışdan qorunublar.. 

Lakin Müharibə Qaziləri Dərnəyinin Şöbə Başçısı Ramazan Çaqqal isə çətirsiz qalıb. Qazi mərasim boyunca yağışdan islanıb. 

Valiliyin qarşısında Atatürk Abidəsində təşkil edilən mərasimdə Polkovnik Haluk Selvi, dairə müdirləri, təhlükəsizlik mənsubları, qazilər və şagirdlər də qatılıb. 

Yağış altında keçən mərasimdə  İstiqlal Marşı oxundu və çələnglər qoyuldu. Digər yüksək vəzifəli şəxslərdən fərqli olaraq iştirak edən Müharibə Qaziləri Dərnəyinin Şöbə Başçısı Ramazan Çaqqal ilə arxada olan şagirdlər və bəzi iştirakçılar isə çətirin olmadığı üçün islanıb.

 

Bu məsələ sosial mediada geniş müzakirələrə səbəb olub. Belə ki, şəbəkə istifadəçiləri qaziyə göstərilən bu cür münasibəti biabırçılıq adlandırıblar.