Moskvada qanlı hesablaşma: Ded Xasanın varisi istintaqa çağırıldı
Ded Xasanın varisi qanlı hesablaşmanın təşkilində ittiham olunur
Rusiya İstintaq Komitəsinin Moskva üzrə idarəsində Ded Xasanın varisi sayılan "Şakro molodoy" ləqəbli Zaxari Kalaşov ifadə verib.
Ölkə.az xəbər verir ki, bir neçə gün əvvəl Moskvadakı "Elements" restoranının qarşısında baş vermiş atışmada iki nəfərin ölümündə Kalaşovun adamlarının iştirakı olub.
Polisin bu atışmaya görə həbs etdiyi "İtalyaneç" ləqəbli Andrey Koçuykov istintaqa verdiyi ifadəsində əmrləri Zaxari Kalaşovdan aldığını bildirib.
Xatırladırıq ki, "Elements" restoranının sahibəsi Janna Kim və dizayner Fatimə Misikova arasında baş vermiş borc müsahibəsi bu hadisənin törənməsinə gətirib çıxarıb. İddiaya görə, Kim Mosikovaya borclu olub və borcu verməkdən imtina edib. Misikova isə öz növbəsində kriminal aləmin nümayəndələrinə müraciət edib. Janna Kimin restoranına Andrey Koçuykov və silahlı adamları gəliblər. Onlarla Janna Kimin vəkili arasında baş vermiş mübahisə atışma ilə nəticələnib və iki nəfər ölüb.
Ölkə.az
