Müsəlman fəal Trampa cavab verdi

Malala siyasətçiyə meydan oxudu

Ölkə.Az xəbər verir ki, 18 yaşlı pakistanlı hüquq müdafiəçisi Malala Yusufzay bir müddət öncə amerikalı siyasətçi və milyarder Donald Trampın müsəlmanlara ünvanladığı sözlərinə cavab verib.

Nobel mükafatının ən gənc laureatı olan Malala Birmingendə çıxış edərək bildirib ki, Trampın dözümsüzlük və nifrətlə dolu bu şərhlərini eşitmək faciədir.

"Bircə onu deyə bilərəm ki, islamla bağlı mənfi fikirlər, çıxışlar çoxaldıqca terrorizm də artır. Əgər siz terrorizmi dayandırmaq istəyirsinizsə, müsəlmanları qınamağa cəhd etməyin", - deyə Malala qeyd edib.

Xatırladaq ki, 2014-cü ildə Nobel Sülh mükafatı Pakistanda Taliban tərəfindən başından vurulan 15 yaşlı Malala Yusufzaya və Hindistandan olan uşaqların hüquqlarını müdafiə edən fəala verilib.

Rəşid

Ölkə.Az