Putinə qarşı yeni

Amerika hökuməti Rusiyaya qarşı yeni sanksiyalar paketini təsdiq edib.

Bu barədə ABŞ-ın Maliyyə Nazirliyinin məlumatında deyilir.

Məlumata görə, ümumi siyahıya 34 fiziki və hüquqi şəxs daxil edilib.

Sanksiyalar Rusiyanın “VTB” və “Sberbank” banklarının Ukrayna, Qazaxıstan və Avropadakı törəmə ofislərinin bir çoxuna şamil olunub.

Bundan əlavə, yeni siyahıda “Sberbank”ın və “VTB”nin qeyri-hökumət pensiya fondları və “VTB24” də var.

Sanksiyalara, həmçinin, “Qals-Development” firması, “Novikombank”, “Aviapriborostreniye” konserni,”Sovremennıye texnoloqii”, “Mühərrik Tikinti Korporasiyası”, “Oboronprom”, “Splav” elmi-istehsalat birliyi, “Rosoboroneksport”, eləcə də “Massandra” şərab kompaniyası, “Yalta” kinostudiyası daxil edilib.

Qeyd edək ki, bir qədər əvvəl ABŞ “Yandeks. Denqi” servisinə də sanksiya tətbiq edib. (Qafqazinfo)

Ölkə.Az