Sarkisyan baş nazir ola bilər
Əgər Ermənistan parlament idarəetmə sisteminə keçsə prezident Serj Sarkisyan baş nazir ola bilər
Bu barədə Ermənistanın hər küncündə danışsalar da möhtəşəm "xəbər"i onun partiyadan tərəfdaşı Sukias Avetisyan çatdırıb.
Baş nazir postu Serj Sarkisyana istənilən yolla uzun illər hakimiyyətdə qalmaq imkanı verəcək. Bu, hakim partiyadan başqa bütün siyasi qüvvələr konsitutsiya islahatlarına qarşı olduğu halda baş verə bilər.
Erməni siyasətçilərdən biri siyasi islahatın şəxsi marağa quluq etməsi haqqında dedikləri fikirləridə haqlı idi.
Hazırkı dövlət başçısı nə edib və özündən sonraya nə qoyub? Çoxları hesab edir ki, heç nə. Biz bir neçə erməni mətbuatını izlədik və onların son günlər nə yazdıqlarına baxdıq.
Ermənistan qiymət artımı astanasındadır. Vətəndaşları xüsusilə ərzaq məhsullarının qiymətləri narahat edir. Onların nə qədər bahalaşacağını heç kim bilmir. Çünki iqtisadiyyat kimi önəmli sahə ilə məşğul olanların sayı olduqca azdır.
Serj Sarkisyanın özü isə siyasəti daha çox sevir. Yeri gəlmişkən, buna o şəxsi biznesi kimi baxır.
Ermənistan gələcəyindən məhrum ola bilər. KİV-də yer alan məlumatlara görə, ölkədə ilbəil məktəb partası arxasında oturanların sayı azalır. Milli Statistika Xidmətinin məlumatına görə, 2013-2014-cü tədris ilində 660 min şagird yerindən 360 mini dolub. Belə çıxır ki, yerlərin yarısı boş qalıb.
İnsanlar uşaqlarınıda götürərək Ermənistandan qaçır. Bu ölkədən getməyin özü belə gündən günə bahalaşır. Jurnalistlərin hesablamalarına görə, İrəvan-Moskva aviareysinin hər kilometri Tiflisdəkindən 8 faiz baha başa gəlir. Bunun üçün də Gürcüstan hava limanı erməni miqrantlara qaçmaq üçün ucuz keçid məntəqəsi olub.
Siyasətçilər, müxalifətin açıq-aydın Qarabağ münaqişəsinin tezliklə həll edilməli olması və bu məsələdə Azərbaycana üstünlük verilməli olması barədə dediklərinə baxmayaraq konfliktlə bağlı heç bir irəliləyiş yoxdur.
Belə... Serj Sarkisyan siyasətçi kimi öz ölkəsi üçün az şey edib. Bir neçə il dalbadal o Avropa Birliyi ilə daha sıx əlaqələrin olmalı olduğunu deyirdi. Sonra isə Avrasiya Birliyinə tərəf qaçdı.
Bu dəfə hazırkı prezidentə baş nazir postunda uzun illər qalmaq qismət olacaq? Bunu tezliklə erməni xalqı özü həll edəcək./Anspress/
Ölkə.Az
